Flava и Jex
Можност за користење на Java сервлети до кои ќе пристапувате преку ваша Flex апликација, многу, многу се олеснува доколку наместо Tomcat користите Tomcat. Exactly! BlazeDS е форкувана верзија на Tomcat (LGPL) која овозможува многу полесно поврзување на Flex со Java код кој работи на сервер. BlazeDS е спремен со сите нишани (оттаму BlazeDS со додавка Turnkey). Кај стандардниот Tomcat треба да модификувате неколку датотеки за да овозможите пристап до класите на серверска страна. Овде може да го пуштите серверот, да го додадете описот на дефинициите и декларациите во remoting-config.xml датотеката и веднаш да почнете да користите Flex и Java.
Сето тоа можеби многу го олеснува Flex Builder 3 (намерно пишувам 3 поради тоа што со претходните верзии немам искуство, а и не прочитав баш весели работи за нив), кој впрочем е додаток за Eclipse и може да се инсталира како одвоена апликација или баш како плагин за Eclipse. Flex Builder е многу важен елемент во мојата работа на Flex проектот поради тоа што за разлика од Java, треба да сте многу повеќе од храбар и нешто помалку луд за да програмирате од Emacs или било кој друг понапреден уредувач на код. Значи, додека Java може да се развива без Eclipse и око да не ни трепне, за Flex ќе треба да просолзиме додека влеземе во циклусот на развивањето.
Стандардно поврзувањето на Flex со Java оди преку неколку начини, со користење на HTTPService, со користење на WebService компонентата за веб сервис (ah God!), и преку RemoteObject или оддалечен објект ако желаете, што и јас искрено го препорачувам со моето скромно речиси никакво знаење за оваа технологија.
Од она што досега го имам забележано е пребавното извршување на кодот (додека стигне до VM во прелистувачот), брзото полнење на меморијата по подолго работење во Flex Builder 3, нешто поинтересниот ActionScript (како јазик за скриптирање и поинтересен се однесува на поинтересен од MXML како маркап јазикот на Flex со кој се гради интерфејсот). Се на се, за да развиваш Flex професионално треба да имаш моќна машина и да си ненормален.
Објавено на денешен ден:
- Премин, LSD трип - 2008
- Нека ни е здрава и бериќетна Vistaта - 2007
“Се на се, за да развиваш Flex професионално треба да имаш моќна машина и да си ненормален.”
Ааа, закон морам да признаам, и рече работиш (заработуваш од ова?)?
Не, не го работам професионално, спремам дипломска.
Хм,
Мене ми изгледа на валидна алтернатива на HTML CSS и AJAX за креирање на убави и модерни UI-ја а и достојна конкуренција на XAML т.е. SilverLight, пошто чисто се сомневам дека MoonLight некад ќе ја здогледа светлината на денот или ќе дочека да прими HTTP request :).
Во секој случај очекувам СподелиЗнаење на оваа тема…
На сајтот на Adobe има едно демо на можностите на Флекс, преку влечење видеа од YouTube со користење RSS, и правење различни интерфејси (пошто тоа Е флекс) за нивно прикажување.
Дечкото си го возеше кодот директно преку текст едитор нормално. Колку што може да се забележи, се користат неколку стандардни компоненти, баш како за (X)HTML. А повеќето веб програмери кодираат HTML во текст едитор, т.н. hand-coding.