Благодарение на Google и Dreamhost, lugola.net ќе користи Google Apps. Тоа значи дека секој кој сака ќе може да добие @lugola.net мејл кој впрочем ќе е gmail мејл со познатиот gmail web интерфејс.
Исто така во игра се и Google Calendar, Docs итн. На тој начин ќе се решат потенцијалните проблеми со доменот и тие кои користат мејл врз овој домен. Пример, во минатиот месец мојот мејл @lugola.net не беше достапен :/
Пријавете се кај мене, and you have it 
Немам пишано блог пост од 14ти август. На 15ти открив дека повторно ме кракираа. На 17ти заминав за Србија од каде по 3 дена отпатувавме за Хрватска на NSND по што останав на одмор уште 5-6 дена. Многу се случи па ќе се обидам да сублимирам 20тина дена во 2-3 параграфи.
Блогот го вратив благодарение на playahater & homoludens, Белоград, ме хостираа кај нив. Еден совет кој се надевам ќе го сфатите сериозно, никогаш немојте да хостирате сајт на ixwebhosting и startlogic. Тие се најлошите хостинг компании со кои сум имал/е некогаш контакт. Првите увидоа дека не можат да се справат со крекерите на нивните сервери кои на нашите содржини редовно монтираа фишинг материјали, па решија да нѐ суспендираат засекогаш. Вторите пак откако се случи суспензијата, ме маткаа 10 дена за доменот www.lugola.net дека наводно не е наш и сл. срања. Иако бев во Хрватска кога се случи суспензијата им вратив повторно да имкажам дека ние сме жртви, а не напаѓачи. Тоа не допре до нив, штета за нив. Сега www.lugola.net ќе има побратим, www.lugola.mk (достапен најверојатно од утре), кој ќе насочува кон еден ист сајт, кој пак, ќе биде хостиран благодарение на заедничките ресурси на заедницата на хакери од нашата земја. Особено испраќам благодарност до Мишко, Марко (Србија) и Стама и останатите од Македонија кои директно ми помогнаа или се понудија за помош. Ги имаше неколку. Викито како најкревка и најбитна ствар, ќе биде вратено на старото место (wiki.lugola.net, а и wiki.lugola.mk) најбрзо што можеме, имајќи ја во предвид пипавоста на базата и статичките содржини објавени таму. Тоа би било околу проблемите на кои наидовме и постапките што ги презедовме за да се решат проблемите. Еве онлајн референца каде има подетално објаснување на проблемот, од листата на заедницата.
Србија, Хрватска, НСНД
Бев 2-3 дена во Београд, за првпат. Ми се допадна како град, малку е брдовит, но има што да се види. Србите се ок, Србинките и повеќе од ок. Убави жени. Исто, од Белград си зедов резервна, 6 келна (немаше 9) батерија додека стигне резервата што ми следува со гаранцијата. Со роверот на таткото на Мишкез заминавме на релација Београд - Загреб - Сплит. Патувавме 10 саати сосе паузи и драпалогии. Таму три дена беше предвиден Nista Se Nece Dogoditi, собирот на хакери од просторите на бивша ЈУ, кој беше навистина прекрасно искуство. Дружење, познанства, продлабочување на знаењето, капење, пицигин, Спличанки (најубавите жени од ex-СФРЈ). После NSND останавме уште некој ден во камп на „наше море“.
Немам што друго да кажам, сликите говорат се, а тоа што летото заврши на толку прекрасен начин повторно ме прави да се чувствувам дека имав уште едно кратко лето, што би значело, исполнето и забавно до бесвест!!
За крај, на граница ме тресеше српскиот цариник, буквално сѐ ми провери. За гиковите ќе е интересно тоа што го извади USB-miniUSB кабелот и проба да ѕирне низ него да не случајно имам скриено нешто внатре хаха. Направив од прилика 3000км. Кога дојдов морав некаде да серам, па си отворив Twitter сметка. Сега не знам дали ќе ја користам толку активно 
Мило ми е што сум пак дома.
еве нешто интересно шо го најдов сабајлево:
Еве прост код кој ќе помине низ директориумот даден како втор аргумент (pateka, при што # python converter.py pateka) и таму каде што ќе најде mp3 датотека преку надворешен процес (sox) ќе ја претвори во ogg. Ако најде директориум ќе го додаде во листата на директориуми (кои најпрво се pop()-уваат за да се добие целата патека). Кодот може да се замени со една линија bash ама поинтересно за мене.
Кодот го ставам во датотека пошто неам инсталирано некој ташак за Wordpress за парсирање на код, па се губи вовлекувањето (indentation).
Внимание: Не сум одговорен ако си го изгорите процесорот или ви се деси некое слично срање. Sox функционира супер, не гризи многу перформанси (иако процесорот работи на 100% ), но може да се случи сешто ако го оставите да работи и ако одите да пиете пиво цела вечер. Воедно и мој прв GPLv3 код.
Патем, еве едно мало копче:
Според Маите, ова се претпоследните олимписки игри Се надевам нема да бидат. Вечер почнува една од најубавите церемонии што денешната цивилизација успева да ја одржи редовно секои 4 години. Олимписките игри. Симбол на натпревар, надеж, љубов, разбирање. Во Кина.
Се надевам ќе има што да се види.
Ми треба одмор од средината во која живеам. Затоа одам Трпејца. Местото било прекрасно, а и не е Охрид ако најдам дружба одам и на Лени, а ако има можност после тоа одам и на „Оди Веслај“. Некој тапа струшки фестивал (хах, just kiddin’ не е тапа!).
Од време на време ја проверувам on.net.mk, некогаш има интересни работи. Мора да признаам. Како сликата на која другар ми (во GIMP1) ја модификува информацијата на таблата од Пелистер по што испадна дека на Пелистер има крвожедни и човекојадни мечки, па за да му докажам што се бара на нашите најпосетувани портали му ја испратив на уредникот, по што за нецела недела се најде објавена
На сајтот има досадна и скапа реклама од с*ска банка, која можете да ја отстраните ако во AdBlock Plus додадете филтер за baneri/stopanska/swf/stopanska_sk_2.swf. По ова исчезнува Ако не знаете што е AdBlock Plus тогаш веднаш кликнете овде за да дознаете зошто досега не сте знаеле.
DRM (+Wikipedia) е технологија или концепт, како сакате, кој корисниците ги принудува да прават нешто контра нивната волја. Еден пример за тоа е некој јаваскрипт кој оневозможува да симнувате слики од даден сајт или да копирате текст од таму објавените содржини (иако тоа лесно се заобиколува). Кога велам „НЕ!“ на DRM .. навистина мислам „не“. Не се за џабе многуте обиди на DefectiveByDesign.org да спречи епидемија која би се проширила низ целата IT сфера. Многумина досега се откажаа од DRM, дури се случи и неговиот погреб (Zuneral, the funeral of DRM).
Досега гледавме како EMI, iTunes Store и редица други компании се откажуваат од DRM и пуштаат редица свои материјали DRM-free. Тоа е светлата страна на борбата против злото во технологијата. Еве една темна страна која не доаѓа од борбата (објавено на Arstechnica), туку од самото зло, директно од него:
Лошиот сон на DRM продолжува. Yahoo им испрати е-пошта на своите корисници од Yahoo! Music Store, во кој им соопштува дека сервисот се затвора засекогаш и дека компанијата ќе ги исклучи своите сервери за DRM лиценци/клучеви на 30ти септември 2008г..[продолжува]…реакцијата на многу музички фанови ќе биде „Yahoo имале онлајн сервис за купување музика?“. (#)
Што би се рекло, чао на материјалите кои ги купиле од Y!MS. Датотеките повеќе нема да може да се пуштаат на компјутерите, затоа што нема DRM сервер кој ќе го одобри тоа. Yahoo за овој проблем препорачува режење на датотеките на CD па потоа рипување на компјутер. Прекрасно 
Еве едно потсетување на видеото кое ја објаснува како „долета“ DRM:
Security people are often the black-and-white kind of people that I can’t stand. I think the OpenBSD crowd is a bunch of masturbating monkeys, in that they make such a big deal about concentrating on security to the point where they pretty much admit that nothing else matters to them.(#)
