Сега, како гласот на Нострадамус од таа емисијата за пророштвата на Нострадамус од МТВ, од `91.
Во 2008ма ќе започнам мини кампања за борба против DRM. Дотогаш, домашна за сите кои не знаат што е DRM, да научат.
DRM како проклетство на новата ера. Многумина се откажаа, време е и ние да дознаеме како да се одбраниме од „вирусот“.
(1) Последниот пост на Новица ме потсети да објавам нешто. Работам на еден текст кој треба да ја открие нашата позиција кога станува збор за компјутерска приватност. Фејсбук, Гугл/Г-Мејл, Мајспејс, Ласт.фм итн. Прво почнав да го пишам како блогпост, но отпосле се испостави дека текстот е предолг за да биде објавен како обичен пост. Се разбира, ќе го објавам на блог, но засега ми фалат информации од неколку полиња за што сакам да зборувам со професионалци. Значи потребен ми е Телекомуникациски инжињер или како и да се викаат стручњаците што завршуваат факултет за комуникации. И евентуално некој правник 
(2) Следно. „Мали“ измени на сајтот на Лугола. Променет темплејт, сменети врски, ажурирани содржини. На што се должи сето тоа? На реорганизацијата на Лугола која намеравам да ја предложам пред преостанатите активни членови на групата. Лугола 2.0 - или Лугола Онлајн. Збир на ресурси на заедницата, почнувајќи од официјалниот сајт на Лугола, Вики за слободен софтвер, па се до GNU/Linux порталот. Овие три ресурси се основа за знаењето на секој корисник на слободен софтвер од нашата земја. Предлог за првата страна на Лугола засега стои на www.lugola.net/2index.html. Коментари и критики.
(3) OLPC настанот, ако се одржи како што луѓето ни ветија (според одговорот на поканите) би требало да има над 50 гости на настанот. Само од едно основно школо се најавија над 20 ученици. Сето тоа би значело прекрасно завршување на 2007г., иако помалку активни од минатите години, кога нешто ќе ги сецне плановите на животот, останува само едно, да му возвратиме со контра напад и да го победиме! Затоа, се надевам дека после Нова година, ќе започне година во која ќе ме поканите на барем 3 свадби и 2 крштевки. Се гледаме утре, во Техничко!
Од неодамна сум associate член, бр. 6023 во Фондацијата за слободен софтвер. Покрај залагањата преку Лугола, како приватни активности имам зацртано неколку полиња од областа на приватноста на корисниците на дигитални технологии, како и борбата против DRM. За таа цел активно соработувам со други активисти на преведување на материјалите од тековни и веќе изминати кампањи на Defective by Design. За почеток еве флаерче за штетноста на DRM во читачите на е-книги како Kindle итн.
Денес гледав една глупава епизода на шоуто Вртелешка, мислам дека се ужас и Бејби и Васил. Арно ама зборуваа за авторски права. Гостин му беше Славе Димитров, познат битолчанец, нели…Чија си? И во еден момент, додека зборуваа за тоа колкави педери се ЗАМП непосредно пред да увидам дека авторите, музичарите и ЗАМП не се во добри односи, муабетот се насочи кон случаи на прекршени авторски права со кои Димитров имал искуство. Немам запис од материјалот за да ви го пренесам дословно. Во емисијата се случи да Славе направи типично Фројдовско истурање на потсвеста. Кажа нешто што му легнало таму долу и сега низ разговорот го разбудил:
- „Кажете ни, вие сте имале вакво искуство
- „Па да, еднаш имаше еден случај, …блабла…“
- „Кога Чија си ја препеаја?“
- „Да. И што направив јас? Едноставно. Преку задолжените организации и здруженија си ги барав моите пари…упс..права. Си ги барав своите права.“
Ова беше целото резиме на емисијата. Авторски права -> пари -> з(амп)дружение -> незадоволни музичари.
Зигмунд Фројд ја раскажува следната приказна која ја дознал во едно негово истражување.
„Некогаш кај некој голем човек доаѓал некој свештеник со голем нос. Таткото два дена пред да дојде човекот почнал да им зборува на своите две ќерки кои многу зборувале, да не го прашуваат ништо за неговиот нос, ниту пак да се погледнат во него. Девојките решиле да го послушаат таткото. Кога свештеникот дошол, ќерките ги фатило смеа. Но се прибрале и не дозволиле срам за нивниот татко. Додека ручале едната од ќерките сакајќи да ја побара солта, покажувајќи со раката кон соларникот, му се обратила на свештеникот“:
„Ќе може ли да ми го подадете носот?“
И така. Потсвест. Чудна работа
На почетокот, сметаа дека Eclipse е проклетство од боговите. После се испостави дека не е така.
Потоа сметаа дека е затемнување на сонцето од сенката на месечината. Но од IBM и Sun докажаа дека ни тоа не е така.
Денес сметаат дека Eclipse е парче софтвер за програмери. Не. Eclipse е добар оперативен систем без добро IDE.
Речено сторено.
Од утре се враќам на старата должност. Треба да се ажурира сајтот, да се објават нови информации и податоци, можеби и нова тема за изглед. Што како се случи изминатите 3 месеци не сакам да зборувам. Се случија многу убави и лоши работи, продолжуваме понатаму со иста динамика како кога застанавме.
Следен настан на кој работиме активно со Виктор е OLPC настанот во Битола. Ќе добиете дополнителни информации на листите и Вики, како и на сајтот на Лугола.
Пред извесно време си искомпајлирав Emacs 23.0.60 со XFT поддршка.
XFT е слободна библиотека за FreeType (antialias-ирани?) фонтови за X (X FreeType [fonts]) преку која Emacs добива поддршка за „поубав“ приказ на фонтови како DejaVu Sans или Monospace…truetype фонтови со antialiasing. Стандардниот (gtk) фронтенд Emacs нема antialiasing поддршка (во терминал-режим (-nw) го зема фонтот од терминал-апликацијата). Тоа изгледа грдо и го прави кодот псеудо не-елегантен Затоа има решение.. еве го пакетот за заинтересираните ArchLinux корисници на Emacs. Останатите може да си го искомпајлираат од изворен код или да користат прекомпајлирани пакети за Debian или k/x/Ubuntu.
Еве како изгледа Emacs so antialiasing и прост JSP код:
Со оваа понуда ви препорачуваме и:
Која е моќта на Emacs за развивачи можете да ја видите на овој клип (типот е Ruby програмер кој има ужасен изговор со ц-цкање и мм-кање ама презентацијата вреди), а за мултимедијални гикови видео преку кое „типот“ уредува видео материјали преку Emacs.
Од денеска престанува моето користење на сервисот Last.fm. Сметката ќе си остане уште некој месец, но нема да биде ажурирана со песните што ги слушам.
Тоа е прв чекор кон целосна приватност. Следуваат, Gmail (gtalk, pop, smtp), Google (како прелистувач).
За скоро ќе објаснам зошто го правам ова, дотогаш воздржете се од коментари, само имајте ја во предвид забелешката во врска со Last.fm. Сум се забавувал прилично, сум наоѓал многу интересни артисти и музика на сервисот, но сега сметам дека тоа е погрешниот начин. Дечките беа многу фини кога пред 3г. им пратив писмо и им сугерирав дека името на нашата земја е Republic of Macedonia, а не FormerYROM. Тоа нека остане како мој мал придонес за тие што ќе продолжат да го користат
На сајтот на On.net вчера се појави слика од еден прозорец на Firefox, во содржина со наслов „Фајрфокс во земјата на чудата“ каде според Трендо/уредникот е направен неверојатно глупав пропуст кој заслужува да се стави на Он.нет и на чие исмевање ќе се соберат нешто повеќе посетители на овој портал. Сликата за цело чудо е ставена во „македонштина“ што уште повеќе ја доловува вистинската македонштина во ситуацијата. Еве ја сликата:
За да не правиме промет на on.net.mk (и онака содржината нема да е пристапна за 2 дена пошто ниту еден линк не работи на глупавиот софтвер кој порталот го користи) ја ставив на tinypic..
Со оглед на тоа што и некој друг претходно забележувал на преводот на Firefox, мало појаснување. Во англискиот јазик зборот на кој се забележува е Quirks Mode, кој во Firefox тимот за локализација го превел како Чуден режим. Е тоа е навистина смешно. Аха ха ха ха…хаха, каков пропуст, па Трендо ја откри Америка, па ова треба да оди и на Digg ако ме прашувате мене…за таа цел, сакајќи да му посочам како стојат работите, имајќи во предвид дека нема појма, му пишав дека грешките може да ги пријавува на bugs.softver.org.mk, или што е уште попровактивно, нека предложи превод за терминот Quirks mode па ако најде за згодно да даде кратка елаборација на преводот можеби и ќе се прифати како постојан во преводот на Firefox. Имате пристап до кодот, имате пристап до датотеките за локализација и имате лесен начин да стапите во контакт со тимот кој го преведува Ффокс. Да објавите исмејување на слободен софтвер, или уште полошо, исмејување на превод во слободен софтвер, е исто толку дебилно како и да се смеете на бојлерот кој не сака да топли вода во вашиот дом поради тоа што вие не сакате да го поправите.
Затоа, имајќи во предвид дека за скоро почнува Милионерот, а Трендо како транспарентен водител и уредник секогаш на располагање на рајата, предлагам секој од нас да ја забележува секоја глупава шега што Трендо ќе ја прави на квизот. Барем тие што го гледаат. Ќе ја објавуваме и ќе ѝ се исмејуваме, а ги има премногу…барем ги имаше лани..да забележуваме обиди за зезање на натпреварувачите при што прават ваква фаца: (о_0), да забележуваме обиди за бидување кул исто како што се кул тие погоре, да забележуваме секогаш кога Трендо ќе каже „биди така“ затоа што тоа звучи крајно дегенски и глупаво. Што викате? И да го објавуваме на Кајмакот и сите да пишуваме РОФЛ, ЛМАО и ЛОЛ во коментарите?
