Падот на Гвадалкивир 2.0

Апстинирам од мојата најголема зависност. Немам можност да користам Интернет дома, па го користам тој на брат ми Ќе бидам недост(оен)апен во наредните 6-7 дена. Пошта ќе проверувам редовно, но нема да доаѓам на IRC и на IM-ите често.

Викендот бев СК, на ова, беше супер. Видов фаци што ги немав видено годиње.

На крај. Се извинувам што повторно се враќам на стари теми, но мора да нагласам нешто во врска со тој пост. Имено, возачот на Тоше е ослободен од сите обвиненија за ненамерно-стореното дело, а по барање на родителите на Тоше. Сепак, цар Соломон во улогата на Колозов од приказните не била единствена реална шанса човекот да се остави на мира.

Пред 3-4 дена во Битола властите фатија 4-5 пирати (студио, рација). Запленија над 1000 ДВДња, речиси исто толку ЦДња. Убаво им покажаа на тие злобни пирати кои не нѐ оставаа да поминеме на широк сокак без да ни скокнат од зад грб убедувајќи не да купиме од нивните пиратски дискови. И тогаш кога ќе ги одбиевме ќе почнеа да не маваат, тепаат и со нивните куки и сабји ќе почнеа да ни ги сечат рацете, прстите и косите. Сега државата се погрижи за пиратите. Но не ги заборави и нивните деца кои лебот го јадеа од неколкуте стотки што татко им пират ги носеше дома пред да го ожнеат од улица. Сега децата на пиратите „добиваат хранарина, школарина и веројатно ќе добиваат здравствено осигурување од државата“. Татко им ја изгуби работата која им беше единствена во фамилијата.

Корисниците на неслободен софтвер кои се против пиратеријата, едвај да имаат 20% легален софтвер на нивните машини. Остатокот проценти припаѓа на слободните апликации што ги користат како Firefox, Thunderbird, OpenOffice.org, Eclipse. Но и тогаш кога тие ќе почнат да користат легален софтвер, имаат морална одговорност да купените дискови со софтвер или мултимедијални содржини ги стават на Интернет или споделат со другарчињата на физички медиуми, единствено поради тоа што нивната желба за работа со компјутери, нивната желба за слушање добра музика и гледање добри филмови, била реализирана благодарение на пиратите и пиратеријата која дотогаш ја „експлоатирале“. А и ако веќе сакаме да бидеме против пиратеријата, поблагородно е да почнеме да користиме слободен софтвер кој ќе даде акредитација на Вашите заложби за имање легален софтвер како и средства и алатки за работа на компјутер. И нели, купувате оригинални легални верзии на Windows за потоа компјутерите да ги наполните со пиратски Adobe софтвер, пиратски Microsoft Office, Nero и редица други апликации и игри и да викате колку е штетна појавата пиратерија.

Еден краток увид на млад уметник кој студира музичка академија во Ск, на кој му кажав за ситуацијата во Загреб за купување на ДВДња со класична музика и опера (во ЦД/ДВД-тека), вели дека и тогаш кога во Македонија би постоеле продавници со таква опременост, ретко кој би бил лојален кон неговата идеја да купува само оригинали, поради тоа што доколку пиратеријата во Македонија не постои(/ше?), уметниците немаше да ги слушаат Набуко, Травијата и Риголето. Немаше да го слушаат Моцарт и Бетовен. Тоа би значело неиздржано школување на овие млади уметници кои секојдневно мора да преслушуваат редици музички дискови и да гледаат низа оперски настапи за да можат да видат како великаните го прават тоа. Некои го прават поради финансиски проблеми, некои поради тоа што сметаат дека знаењето и уметноста треба да се слободни. Но сите го прават. Затоа уметниците во Македонија мора да се благодарни на пиратеријата и не треба да се педери и да се борат за ставање авторски оков врз делата, затоа што ако тие окови не беа разбиени и во Македонија понудени од луѓе кои веројатно се борат за да преживеат до крајот на месецот немаше ни тие да стасаат таму каде што се сега (каде и да се).

Има луѓе кои се за и против пиратеријата. Јас не само што сум за пиратеријата, туку и веројатно сум против прогресот на млади уметници кои се согласуваат да објават материјали кои ги принудуваат слушателите да прифатат ригорозни и бизарни услови за слушање. Тие пак кои се против софтверката пиратерија ги сметам за патетични лузери.

Плус врски:

• ..BSA, мило ми е.
• OiNK затворен

Ок, доста беше тагување, тажење и плачки! Денес е прекрасен ден. Впрочем денес е денот кога треба да започне убавата и успешна недела

Убав е затоа што една моја блиска другарка се омажи денес! Јупии! Неверојатно, од забавиште се знаеме и сеуште блеска со истата аура како и кога бевме мали. Штета за нас што заминува од Битола со сопругот, но среќа за неа. Ок, како мали се тепавме со балони полни со вода и други атомски орудија, но еве денес, од 0600-1800ч. бев на венчавка, свадба и поминав kicx0rz!!!!! Покрај тоа се видов со старо друштво од средно со кое одамна се немав видено..она прави другарчиња, абе, абе…пудинг! Повеќе серотонин за мене денес.

Покрај тоа денес денот е сутлијач/ш, си запознав нови другарчиња/ки, се врати И. од Франција.

Цела оваа атмосфера ме прави инспириран за неколку илјади идеи кои ќе ги запишам некаде на Вики и ставам јавни за дискусија (+тие што ги дискутиравме вчера (со Лугола) на денот на идеи, само што заклучивме дека ако имаме идеи не треба да ја чекаме владата да ни помогне да ги реализираме). \m/

Ок, еве моментално слушам една песничка од KShaker, компот е!!

Will we arise in our time
At the dawn of another meaning
Will we awake at the break of a great hosannah

…наскоро…

Бев и сум разочаран од многу идеи кои ги имав за животот. Пред се повторно ја сфатив празнината на немањето што да се направи кога човек е мртов, готово е, особено толку близок со народот човек како Тоше, а пред се 26г. младич. Тоше го погребаа и што е тука е. Веруваше во Бог и сега велат дека Бог си зеде ангел да седи до него. Ако тоа е одлука на Бог, тогаш Бог не си го зеде Тоше, тој го уби! Го уби на најбрутален начин. Го распарчи. И не само Тоше, со тоа уби уште неколку други луѓе, мајка/татко/сестра му. Каков е тој Бог? Сакам да верувам дека сето ова беше дел од хармоничниот хаос на универзалната енергија во која живееме. Не можеме да се тешиме со тоа дека Бог сакал ангели па му фалеле и си зеде некој таму долу.

Овој пост го пишувам непосредно по вестите на …некоја телевизија, каде го гледав таткото на Ѓорги (или Георги?), кој возеше и кој ја предизвика сообраќајката. Тоа беше дополнително потресно, а најморбидно од се е што сега правниот систем на Македонија или Хрватска треба да го обвини Ѓорги за невнимание при возење и предизвикување на смрт без умисла. Ѓорги можи да лежи од 1-10г. затвор. Би се обидел со ова да го повикам … некого … кој може да повлијае врз ваквата бизарна одлука. Ѓорги доволно е казнет, него целиот живот ќе му биде сив, ненамерно и никако не сакајќи си го уби еден од неговите најдобри другари. Тоа е доволна казна! Зарем треба и да лежи во затвор после сето тоа? Подобро дајте му еутанат! Се случи катастрофа и верувам дека никој (освен можеби блиските на Тоше, за кои одлуката да Ѓ. лежи или не во затвор нема да смени многу) нема да бара и присилува донесување на одлука со која Ѓорги дополнително ќе се казни. Навистина е жално што сето ова повреди над 3 милиони луѓе во светот и сега сите треба да се концентрираме на тоа да го одржиме делото и ликот на Тоше, а на преживеаните да им помогнеме да ги закрпат раните, не да ги полеваме со бигор! Сигурно и Тоше така би сакал!

Доста се вести и песни за и од Тоше, барем засега. Време е да се смириме.

Денеска во Херат/Афганистан, протестираа 100тина (сега поранешни) терористи од редовите на Ал Каеда, со американско потекло и христијанска вероисповед, поради неисполнетите барања за обновување на нивното членство во организацијата. Претседателот и лидер на терористите, Бин Ладен, денеска не беше достапен на неговиот мобилен телефон и Jabber сметка, затоа се обидовме да контактираме со Бад Крист, дел од терористите кои протестираа, кој вели:

„Не не примаат посебно нас христијаните, а нашите другари кои со нас убиваа 20 години ги примаат. Едноставно, национално не отфрлаат одовде“, рече Крист.

Терористите се жалат и дека силите на НАТО понекогаш им ги одземаат оружјето, иако убиваат и киднапираат во светот на места предвидени за тоа.

„Кога ќе не фатат од Кабул чуварите, доаѓаат со пет или десет НАТО претставници. Кога ќе не фатат, ни ги одземаат пушките. А ние уште не сме отидени на терен“, вели Џим Бансен.

Од Ал Каеда демантираат дека терористите се примаат на национална основа. Велат дека терористите од Херат биле исклучени од организацијата, бидејќи дел од нив ги краделе конзервите со паштета и кутиите со опиум од нивните колеги и потоа ги продавале во Пакистан.

„Тие можат да бидат промени назад само ако самите меѓу себе си раскрстат кои се виновниците што се занимаваат со препродажба и крадење на опиум и паштета. Со тоа ќе им докажеме дека не се работи за никаква омраза, ниту некои други работи“, изјави Ајман Ал Завахири, секретар на Ал Каеда.

Терористите од Херат, пак, демантираат дека помеѓу нив има крадци на опиум и конзерви и бараат надлежните итно да го решат овој проблем.

---

Поучен од ова и ова (идејата на Новица беше многу добра!), а во врска со оваа пародија, ја објавувам мојата верзија на медиумско хакирање. Ловците од Дебреште протестираат. Решиле да не убиваат животни додека протестираат. Ќе им покажат тие убаво на надлежните!!

Groklaw известува:

IP Innovation LLC has just filed a patent infringement claim against Red Hat and Novell. It was filed October 9, case no. 2:2007cv00447, IP Innovation, LLC et al v. Red Hat Inc. et al, in Texas. Where else? The patent troll magnet state.

IP Innovation LLC, поранешни вработени во Microsoft работат за оваа компанија од Тексас (некои велат дека дури и високи шефови на MS биле пратени во IP Innovation за целта на процесот), Groklaw наоѓа тесна врска помеѓу тоа и неодамнешните најави на Ballmer за прекршувањето на интелектуалната сопственост на Microsoft од страна на RedHat (и тоа дека слободниот софтвер е оправдан само ако функционира под Windows системските платформи), како и со тоа дека Microsoft користат инструмент (IP Innovation) за да ја тестираат можноста да и тие покренат тужби за прекршување на интелектуална сопственост доколку од сето ова произлезе загуба за Novell и RedHat.

Од друга страна пак, спорниот патент (се однесува на workspaces, работни простори?) бил поднесен во 1987г. Во САД патентите има(ле)ат важност од 17г. што кажува дека досега патентот е со поминат рок. НО! Во САД претходните носители/сопственици на патентот имаат право да тужат доколку увидат дека во текот на нивното поседување на патентот некој го прекршил и им нанел штета. Така постои правна усогласеност и оправданост да се покрене судски процес против две компании кои работат со слободен софтвер.

Microsoft мирно набљудува од Мордор. Моментално оската на злото удира врз слободниот софтвер и аналитичарите и интелектуалците веќе предвидуваат дека пред нас стои SCO 2.0. Пред да донесуваме правилни и реални судови за целата педерска ситуација, мора да знаеме неколку работи:

Microsoft ова го најавуваше одамна, како што реков, сега се тестира полето за атак преку нивните марионетки. И тие многупати ја имаа прекршено т.н. интелектуална сопственост и против нив многупати биле покренувани судски процеси поради тоа. Сепак, спорниот патент пак, се вели дека е патент на Xerox (кои пак постојано го примаа од Apple ). Како и да е, Groklaw се стави во позиција на Црн Хеликоптер. Ќе биде интересно и се надевам на крајот (којзнае кога ќе биде крајот) ќе се погреба уште еден обид за туркање на компании кои колку-толку го почитуваат слободниот софтвер.

Мене би ми било жал ако RedHat изгуби на спорот, за Novell и не ми е грижа толку бидејќи откако Novell изигра педерски, на многумина им стана компанија со лоши намери. RedHat само треба да почне да произведува 100% слободен софтвер (цел софтвер во RHEL е слободен, се извинувам за грешката), и тоа е тоа. make yourself comfortable and get a pack of popcorns!

Бонус трака:

http://www.internetnews.com/commentary/article.php/3704761

Ај вака, на сите муслимани што ќе го прочитаат ова да им го честитам Бајрам.

Денес се јадеше баклава или тоа друг празник беше?? Да си земам треба од кај комшиите

11 октомври. Веќе ги гледам прилепчани како симулираат напад на железничката полициската станица, како што било пред 50тина години Македонија го одбележува денот кога Прилеп и Куманово се дигна против фашизмот. Се ќе беше прекрасно ако Македонија навистина ја ценеше борбата против фашизмот. Ако институциите кои се задолжени да нѐ потсетат за важноста на борбата против нацистите функционираа како што секој очекува во нормална држава (што знам…Здружение на борците (ок луѓето се стари), па и политички партии кои се происход на КПЈ и сл. кои пак во НОВ се биеја против фашизмот), ја ценеа злобата на фашистичките идеологии и нео-нацизмот во модерното време и ако навистина се гадеа од окупаторите и гордееја на своите дела за ослободување на РМ (долга реченица, фак), немаше да дозволат на спортски натпревари да се вее свастика (фашистичката), немаше да дозволи да има паради на неонацисти во Битола, немаше да дозволат да бричените глави тепаат свои сонародници (и со-расници) поради тоа што имале долги коси или да тепаат Албанци, Роми и други малцинства кои ги сметаат за минорни (кои сепак се од иста раса со нив). Немаше да дозволат на зградата на АРМ во Битола (позната како Офицерски Дом, има прекрасна градба и важи за една од најдобрите архитектонски зданија во Битола) да се испишат кукасти крстови и фашистички пораки непосредно по реновирањето (сега тоа е санирано, но за испишувањето на пораката никој не се најде да одговара, иако во Битола неонацистите може многу лесно да се најдат и испита нивната инволвираност во таквите активности).

Македонија, барем така ме учеа на школо, пропатила од фашизмот, а моментално нема разработена агенда која ќе се бори против нео-нацизмот како модерна појава во денешното време на пониските слоеви граѓани во општеството кои за сходно го наоѓаат Хитлер како врв на интелектуалноста или Мусолини како идеолог кој ќе ја обединел Македонија во нејзините природни граници. Жално, но вистинито, денес е прилично страшно во нашата земја да се носат антифашистички знаци, затоа што се по некој wanna-be Хитлеровец ќе се најде да ти го еби денот или да те смести на болница. Да живее НОВ, АСНОМ и 11 октомври!

По многуте ветувања од минатите гарнитури, конечно нешто во духот на реализацијата, благодарение на Игор (Дамјан?) имаме прекрасен GNU/Linux портал на македонски јазик, кој изгледа прекрасно, функционира беспрекорно и на кој може да се работи непопречено. Досега бев скептик за Друпал, си викав дека тоа е уште еден CMS како и Joomla. Но денес сакајќи да објавам неколку вести, видов која е моќта на овој софтвер и зошто Стама постојано го форсира и преферира и пропагира Друпал ќе биде навремено ажуриран со нови верзии. бтњ има и WYSIWYG уредувач, ќе ме спаси од куцање еднолични тагови.

Ми се допаѓа како изгледа порталот и како изгледа и функционира админ делот од порталот. Сега остануваат да се досредат некои ситници, Стојанче да го нацрта логото (ми вети!) и некој да напише некоја темичка. Дотогаш линкајте кај ќе стигнете, затоа што www.linux.net.mk is alive and kicking!

Детенце, 10г. скокнало од 19 спрат поради тоа што родителите не му дозволиле да игра на компјутерот. Веднаш пробав да помислам, а не се ни замислува, што им се сврти на родителите кога чуле за настанот. Како и да е, не ми беше поентата тоа, детето почина, сочуство, но коментарите на Digg се бизарно смешни:

He must have thought he had an extra life left

Its pretty tragic but I hope he pressed F5 and quicksaved before he jumped?

It’s game over man!! Game over!!!

Ок, има идиоти по светот. Сега веројатно и јас сум еден од нив