Нека ни е здрава и бериќетна Vistaта
На Македонија и се потребни активисти. Регрутација: секоја недела во 18.00ч. во канцелариите на ова нешто.
Archive for March, 2007
Гостувам во Прилеп
Денес, петок 30 март, гостувам во Прилеп, по барање на НВО „Слободен софтвер Македонија“ како дел проектните активности на UNDP за имплементација на слободниот софтвер во локалната самоуправа/администрација.
Интересот е добар, досега одржав едно предавање на тема „Вовед во слободен софтвер“ и „Лицеци и авторски права“ и беше интересно. Од 15.00ч почнува второто предавање. Во Струга ќе се патува веројатно следната недела, меѓутоа од Вторник до Четврток нема да бидам достапен поради тоа што имам обврски со факултетот (ќе учам и полагам и сл.) па тоа ќе треба да го решиме.
Со Винета зборувавме да се направи инсталационен фестивал во Прилеп некоја Сабота, како активност од Фондацијата за информатичка технологија, тукашната НВО (Младински совет или така нешто), или пак општо предавања со практични примери за работа на слободниот софтвер. Ако сте од Прилеп Ве повикувам да се вклучите во ваквите активности, да направиме терен и поле за делување и во Прилеп.
Поздрав
Кафе
Мхмм…кафе, турско. Во Грција го викаат грчко, некаде во Македонија македонско, да не му знајш крајот. Еден од најпознатите острови при Индонезија е и островот Java. Џава или Јава се чита, како сакате. Впрочем не велиме Џамајка, туку Јамајка, веројатно е само Јава.
Деновиве со засилено темпо учам Јава. Обемен јазик и обемно API. Како и да е, екстремно моќна работа. Сум програмирал C (не многу low-level ствари), C++ (стандарден C++ и тулкитови како MFC и Qt), па така совладувањето на Јава и не е така тешко за мене. Многу личи на C++ само што има многу подобри функционалности, нели и Јава е направен како подобрен C++. Сега пишувам некои бош апликации, вчера вечерта си играв со JDBC и MySQL, со низи и матрици, класи и методи и такви работи. Многу ми се допаднаа можностите за манипулација со IO, баферирани-читачи, читачи за датотеки итн. итн. Многу малку знам засега, но мислам дека напредувам брзо :)
Зошто Јава? Поради тоа што е навистина добар јазик како прво. Поради тоа што се бара екстремно многу и поради тоа што со Јава може да се развиваат повеќе-платформски апликации и веб базирани апликации кои му даваат моќ на програмерот и неврзување за една платформа и архитектура. Ова можеби некако доаѓа како поврзување со фактот дека Јава пред извесно време стана слободен јазик, GPL, затоа што порано бев скептичен кон јазикот, арно ама сега веќе нема за што да се грижам. Ќе се обидам да направам нешто практично и едноставно па да го објавам на блогов или некаде на Вики.
За Сариевски, дел 2
Ова треба да е интересно. На младите дечиња и теткици од пред кафулињата, поставете им ги овие прашања, по одговорот треба да добиете јасна слика зошто не заслужуваме ништо повеќе од ова што сега се случува:
- Од кој е песната „Зајди, зајди“?
- Колку години има Сариевски?
- Кој е автор на „Зајди, зајди“?
Впрочем ако размислам подобро ова е прекрасна можност светот да види што има направено Македонија во своето заебано постоење од уметничка гледна точка. Го имаме Сариевски и Tyler Bates и ние како претсавници на Сариевски. Практично, Зајди Зајди и не е народна песна, тоа го знам со сигурност поради тоа што досега Бугарите ќе го имаа објавено настанов во Тајмс, ќе си штитеа културно наследство. Значи Зајди,Зајди, веројатно принадлежи под авторски права. Со оглед на тоа што секогаш како парализирани реагираме последни, голема е веројатноста за месец-два (што е утешително) Македонија да реагира во однос на ова. Но што треба да направи? Протесна нота? Гадење? Не…треба да каже фала, што еве некој на крај успеал да направи дериват кој можеби според него е подобар за промоција на светско ниво. Заеби македонштина, вчера ја видовме на Википедија македонштината, содржината на Bates беше уредена и вметната реченица „"UUU Tyler!!!, Mamu ti kradas pesni" - Blagoj i Zoki“..смешно? Не е воопшто. Ова е чиста слика на тоа дека појма немаме од к-у-л-т-у-р-а. Абе ни К.
Сабајле додека го правев првото утринско пишкање ми текна, културното наследство и уметноста, во случајот музиката, ви се производ со изворен код, зошто па некој да не направи дериват и да вади пари од тоа? Единствено што направил грешка Bates е тоа што не ставил кредити од кој е оригиналната песна (можеби и не треба?), па така додека се фалиме дека нашето културно наследство му припаѓа на светот дивите копачи во Хераклеа ќе земаат камења и ќе ги продаваат за градење куќи во Гермин. Што можеме _таму_ да направиме? Да ја смириме топката сега, вчера го гледав филмот, прекрасен е, носи нови моменти во филмографијата (како да се разбирам).
Уште нешто: нели имаше бе Чолиќ една песна „Чини ми се грми, дрма или сјева…“ ај да не се брукам со српскиов, али таа е онаа „Зајко кукурајко“ од Сариевски. Та даааам! 
Make the knowledge base get better!
Ах, 300, арамии
Обично не се правам тежок патриот со знамето на грб и скандирање од типот „Македонија на македонците“, арно ама кога се работи за култура, културно наследство и сл. многу се нервирам кога ни се обезвреднуваат творбите од нашата ризница.
Имено, за ова веќе пишуваа на 365.com.mk и во Шпиц, па еве и мал удел за раширување на муабетот и од моја страна.
Значи, додека во Македонија луѓето се борат да докажат дека македонците се бугари, а од друга страна, дека македонците се чисти потомци на алекснадровото племе кое зборувало македонски јазик (туф, туф) и дека нема појаки од нас, па и дека Аристотел бил Македонец :D, на саундтракот од филмот 300 има една нумера со име Message for the Queen. Песната е чиста копија на старата македонска песна Зајди, Зајди. Во крајност исто. Тих ама ми се крена адреналинот. Песната ја имаат ставено на форумот на 365.com.mk, а исто така може делумно да ја слушнете и од наведената страна на саундтракот од Amazon.
Па чекај, можеби и така заслужуваме кога не знаеме сами да си ги афирмираме плодовите на културното наследство?
Првиот ден на пролетта
Човекот е најголема напаст која Земјата го запознала. Ја јади, ја копа, ја уништува, ја руши. Таа не прави ништо друго. Таа врти и револвира. Оска и центар. Често слушаме дека Земјата ни враќа за нашите грешки. Лоша констатација, Земјата не прави ништо. Таа е планета која ни овозможила да живееме овде и сега. Таа е планета каде луѓето се делат на христијани и муслимани, Македонци и Албанци, жолти и бели, кафеави и лилави, каде луѓето прават се што потоа се враќа во иста мера врз нивниот живот. Денес е ден на пролетта, првиот ден на пролетта го поминувам како да живеам во пост-катастрофален Чернобил. Тмурно, облачно и ладно време. Само за потсетување, пред 2 недели температурата стигаше до 20°C, се радувавме и ги гледавме белите расцутени дрвја. Сега голема е веројатноста да замрзнат ако времето се дозбудали и температурите паднат како што е случај во Хрватска и делови на Србија.
Во прилог една слика од екранот, на позадина стои пролетен тапет, а Карамба покажува облаци и тмурнина, 5°C.
Google империја
Зошто ми се допаѓа Google и сам не знам. Мозокот работи со слики, претстава за секој објект кој го перципираме преку сетилата, и секогаш кога помислам на Google добивам некоја слика како на моќна компанија која се грижи за мене. Нели, во Google корисникот секогаш има предност. Иако Google софтверот што го развива не е слободен, а сечиси секогаш бесплатен, има нешто што прави топол прием на нивната империја од моја страна. Мечиња и срциња, ливчиња на самиот пребарувач, такви аплети со информации и корисни нешта, веб канцелариски алатки, пошта, спам филтри, албуми и видео. На крајот на краиштата, Google многу финансира во заедницата на слободен софтвер, проекти со отворен код итн. Еве, даваат до $5000 стипендија за развивачи на слободен софтвер. Што можеме да бараме повеќе? Ок, да ги ослободат нивните апликации и целосно да ги портираат за *nix (без Wine).
Денес отворив Google IG домашна страна, гледам вести ова она, и ме привлече ова:
Кликам да видам што чудо. Опса…теми за изглед. Мојата прва страна сега изгледа вака:
Е на ова се пали рајата, нели?
Што ако…
0. Вовед
Прашањето го постави Љупчо додека бевме на семинар во Струга, што ако Microsoft имплементираше слободен лиценцен модел, што ако Microsoft беше компанија што развива слободен софтвер? Прашањето е многу на место и никогаш порано не сум размислувал, впрочем ни тогаш многу не размислив што би било кога би било, само нафрлив некоја моја идеја, но затоа сега ќе се обидам да видам што би правеле ние кога не би постоела Microsoft како компанија или би постоела само што би произведувала слободен софтвер.
Тоа што од Microsoft би го произведувале во тогашното време не би било ништо ново за технолошкиот свет. Слободниот софтвер тогаш не постоел ни како термин, ни како идеологија. 1981, годините кога Microsoft почнува да врие е период пред ерата на Сталман и уште подалеку од ерата на Linux. Значи и да немало поделби на идеолошкиот развој на софтверот. Енузијастите и хобистите развивале софтвер и го споделувале меѓусебно. Технички за да се осмисли сценарио од овој тип треба да се изменат многу случки и настани кои го одбележаа владеењето на Microsoft на десктоп пазарот (далеку од тоа дека ќе се опфаќа целото нивно владеење, само почетокот). Треба да се инволвираат компании како што се Apple, IBM, Xerox, индивидуалци како што се Стив Џобс, Стив Возниак, Крис Ларсон, па дури и Бил Гејтс и маскотата на Microsoft, Стив Балмер (.youtube). Не се познати имињата на анонимците кои учевствуваа практично директно во создавањето на империјата, кои создаваа софтвер кој подоцна беше продаван за високи суми, исто така не се познати и функционирањето на харизмата што Гејтс ја имал кога преговарал со компанијата која го направи Microsoft тоа што сега е, IBM. Имено, идејата да се рашири парче хардвер наречен личен компјутер (или компјутер за домашна употреба) и парче софтвер како заеднички производ за домашни корисници била на Apple, наспроти идејата на Micro-Soft (првичното име на Microsoft), да се понуди софтверско решение кои ќе ги задоволи барањата на IBM-овите машини. Која е причината поради која IBM ја прифатија втората варијанта, сеуште не можам конкретно да откријам. Можам само да предложам дека постоењето на спремен хардвер од IBM ја направи потребата од системски софтвер многу поголема отколку потребата од комбинација на хардвер и софтвер.
Многу повеќе луѓето сакаат да знаат што ќе беше ако не беше Гејтс, но многу позначајно е да се знае е што би било кога Гејтс не би бил таков и зошто воопшто е таков. Според она што досега го имам видено, чуено, прочитано, дискутирано и размислено, единствена причина поради која смотаниот geek од силиконската долина успеа е неговата способност да преговара околу најслабата точка на човекот – парите. Ако некој дојде и ви понуди 10.000 денари можеби ќе размислите дали да ја завршите работата, но ако некој ви понуди 1.000.000 денари, ќе ја завршите и тоа како. Тоа практично се применува и денес, компаниите нудат големи суми и удел во нивните акции, за сметка на тоа се добива многу повеќе отколку што тежат парите. Веројатно зад носевите ни се случува тоа и со Novell, тоа се случуваше и со Apple, но нејсе некако се оддели љубовта меѓу, па сега останува препукувањето. Да, парите го прават Гејтс таков каков што е. Или не, парите го направија Гејтс таков каков што стана. Неговата желба за доминантност не била толку изразена кога создавал компанија. Парите го направија човек кој краде и кој го прогласуваат за способен и човек со надчовечки способности. Нели, DOS воопшто не бил производ на Гејтс, веројатноста да тој го подобрил откако го поткупил програмерот кој го напишал DOS сеуште постои, но тоа не било негов производ. Гејтс е повеќе бизнисмен отколку програмер, па и да е програмер, типот не е хакер. Кога парите не би го чукнале по главата, тој сеуште ќе сакаше да придонесува во заедницата на создавачи на софтвер, како хобист или професионалец, во секој случај, парите создадоа монструм кој одлучи дека споделувањето на знаењето доведува до загуба на пари. Тоа што Гејтс се појавил во право време и во право место не значи дека неговите постапки се артикулисани, за разлика од тоа што многупати се покажал како човек кој знае да даде пари за хуманитарни цели, неговиот профсионален живот покажува дека нема појма од придонес кон општествените информатички гранки.
Првиот бунт
Смешно е. Кога имав некаде 11-12г. на час по англиски јазик со другарчето кој седеше до мене направивме билети за јавна куќа од мали парчиња хартија од тетратка. На нив пишуваше нешто бош, како … хрм … „Јавна куќа Еби се, цена 100ден.“, Ице кодошот и шупакот најголем не' накодоши. Му ги даде ливчињата на Зорица по англиски. Таа почна хистерично да се дери и ни швркна две работи, шлаканица и единица. Не знам зошто единица, веројатно сакаше да докаже моќ, но кога ми зададе физички удар, нешто во мене кажа дека тоа не треба да е така. Целата ситуација смрдеше. Јас бев мал човек кој не знаеше како да избега од досадата на часовите на професорката луда па со соклупникот направи билети за јавна куќа. Почнав да плачам и не сакав да си одам на место. Таа почна да вика, јас уште повеќе. Се насобра раја, викаше „Видете го плачко…“ и почна да црвенее, јас викав „да, јас сум плачко ама ти си глупа!“ низ солзи. Многу од насобраните гледаа сеири, некои и се смееја неа, некои си заминаа. Другиот ден влезе и кажа дека направила грешка, дека „билетите“ (пази: ги чуваше) ќе ги искине и дека нема да се однесува другпат со мене така. Со другарот соучесник, кој мирно „го прими“ сето тоа не беше таков случајот. Со него се однесуваше биволски и понатаму. Бидејќи бунтот си го направи своето, а децата како деца имаат природа да се борат за своите права.
Она што барем мене ме прави зрел во однос на животот е тоа дека никој не може да ми каже како треба да биде според него. Не може да ми каже да влезам во кафуле или да не влезам, да не мочам во приватното WC на пумпата на Макпетрол, да носам омови и долга коса. Их, некако не можев да заспијам и ми текна на таа случка баш безврска. Ама еве, ќе спојам и ќе речам дека тоа било веројатно првиот бунт. Да, често таквите идни испади ме носеле до конфликти со професорите, па така сега во дипломата имам 4ка по Информатика и 3ка по Историја, само заради тоа што на првата и кажав дека ЈБТ во Битола не е „Куорчагин“, а на вториот, сега покоен, му кажав дека треба да размислува пред да направи и каже нешто што може да повреди некој ученик.
- „пофати ја вратата. - Однадвор!“
Малата Лугола расте
Да беше Луголо, машко, обично во Битола ќе речеа „да му расти бамјата“, ама е ќерка, затоа:
