Падот на Гвадалкивир 2.0

Некни возам со колата. Југо 55 жолто, пристојно за низ град. Едно време влегувам во еднонасочна уличка (тесна до тука бидува), и гледам кола јури накај мене во забранет правец. Ај враќам назад. Гледам таблички позната работа. Ау да бе. Дипломатски. Опса, гледам внатре конзулот на Турција. Крши закони а? Ама има дипломатски таблички, шо му можам. Дали ќе ме отепа или не, на кој му дреми? Сигурно не него.

Шеткам така по некој ден по Булеваров и гледам џандарски Chrysler паркиран од десна страна. Мајката, нешто боди очи. Ништо ново впрочем. Огромен знак дека местото е предназначено за инвалиди и сл. бидејќи на знакот нели беше оној симбол со инвалидска количка. Ту реѕил! Си викам да му го пратам на Трендо? Ај не, има тој за што да пишува, машала Глоријан тука е.

Симона бегаше во неделата. Фурам онака ја у фрки и едно време гледам семафорот светнува жолто, притискам, светнува црвено, касно е да кочам, притискам уште повеќе. Гледам полицаец! Опсаааа реков, ојде возачката 3 месеци. Не бре брате. Си ги стави рацете на газот и си замина. Да, сообраќаец. Кршам закони да!!

Во Х фирмата во Битола се јавив да барам компјутерска конфигурација со GNU/Linux. Везе немаа. Не се замараат воопшто со „такви нови работи“. Прашав за замена, викаат XP, легално? Да! А викам канцелариски пакети нешто? Викаат епа имаме ние Office ќе ти инсталираме. Легален? Боже пази…400€. Нудат пиратски офис. Па не дај боже да треба да користиш легален професионален софтвер. Епа нема да е легано! Што зборам јас, клише…

Вчера упишав последен семестар. Давам документи (требаше да ги дадам пред 1 месец), службеничката вика „Казна!!“. Викам ај ок. Се спружив уште 600 денари. Уау системот функционира. Ме казнаа! Ме Казнаа….фејд аут…не. 4 години како студирам, во просек секогаш со уписите и заверките каснев по 1-2 месеци. Никогаш до вчера не ми побараа казна. Арно ама сум се скарал минатиот пат. Па ќе ме уценува. Па ќе ми бара казна. Во ред бе. Ќе платам. Платив пола 17″ за семестарот, сеа за уште 600 денари. Не е проблем. Паричникот сега очајува. Школството го ограби!

Абе гледате А1 ? Се распаѓа Им заминаа сите новинари, па сега вести водат тие од другите редакции. Некој си типац кој водел Фарма претходно сега води утрински вести, оној Александар од Idol води исто некои вести, таа типката што го направи оној затворот…„Тоа сум јас“ води главни вести. А1 се распаѓа! Муахаха.

Некаде околу Мај имаше еден караван каде снимаа филм за Mainstream медиумите во Македонија. Ме прашаа кој медиум можам да го посочам (за контекстот на муабетот). Кажав „А1, лидерот. Лидерот на корупцијата, лидерот на кажувањето лаги, лидерот на комерцијата и политиката!“ (на англиски, филмот треба да го ставиме на Youtube). И ете сега гледаме благ распад во најповлијаената телевизија во нашиот етер, А1 bye bye. Да се надеваме дека А1 нема да пропадне, после како ќе се фрлаат младите во бунари од телетабисовите побуди? Не, да не се надеваме дека А1 ќе пропадне туку дека ќе се свести дека пропаѓа и навреме ќе реагира со тоа што ќе стане навистина квалитетен медиум кој повеќе ќе се грижи за тоа што граѓаните сакаат да го чујат и видат отколку како да го изрекламираат Тузот и Време.

А овој…ќелавиот земјоделец што ќе го искоренуваше криминалот…каде е сега тој? Го видоа ли граѓаните уште еднаш по изборите? Фала Богу не…

Не дека декларирам дека сум поглуп ама навистина некогаш имам чувство дека мажите се говеда. Навистина, колку се глупи мажите? Хех…има и глупави жени, ама дефакто е познато дека мажите секогаш имаат потреба од поубавата и помоќна половина што често ја викаат со грубото име на половиот орган за кој копнеат. Жално, машка рака и женска мудрост е страшна комбинација. Понекогаш она што стои помеѓу нив е љубовта но често таа е одраз на желбата за секс. Тоа трае некои 10тина минути, по што жената останува тоа што е, красно суштество, а мажот како вол заспива преморен од неговата остварена желба. Замислете, имате желба, страшна, ви се остварува и на крајот кога ја дочекувате…вие заспивате.

Не знам од кој е песната, но се работи за некој реге бенд кој вика:
“Woman is not a sex machine,
woman is a human being”.

Тоа што ова ќе го негирате и бурно коментирате ќе докаже дека сме поглупава половина од целината. Жените секогаш ќе се стожерот на фамилијата. Одам да се женам!

Арнолд Лејн бил тип од Лондон кој бил cross-dresser (превод?). Имал лоша навика, секогаш од жиците за сушење на дамски долен веш да чорка по еден дел. Гаќи, градник или што знам што. Strange Hobby, нели? Завчера вечер во Deep зборувавме за Pink Floyd. Низ дискусијата ме обзеде пак чувството на инфериорност кон овој култ изграден од најгенијалниот бенд на сите времиња, по што ми се претстави реализацијата дека не постои бендот Floyd, тоа е Pink Floyd. Тоа не е психоделичен рок од 60тите па наваму, тоа е Floyd. Ние сите сме Pink Floyd бидејќи ние сите може да ја имаме ситуацијата сервирана преку нашето сетило за слух со само еден разложен акорд на момците за кои зборувам. Значи може да преминеме кон суптилното разбирање на Floyd како феномен во мојот живот. Ние сите сме Pink Floyd и сите сме Barrett. Она што нема да ми се оствари е да ги видам во живо, или тешко верувам. Па и кога би ги видел би осеќал чувство на празнина поради фактот што форсаторот на бендот е заминат. Оставам резерва, а на опусот што ни е оставен му оддавам понизна почит со надеж за комплетирање на оригиналите од целата нивна дискографија. Како завршен збор ќе вметнам една строфа од мојата омилена (засега) песна компонирана од „лудиот дијамант“: Jupiter and Saturn Oberon, Miranda, Titania, Neptune titan stars can frighten Blinding signs flat flicka flicka flicka blam pow Извинете што пак тупам со Floyd. Нема да престанам!

Големо извинување за сензацијата што ја предизвикувам помеѓу моите блиски. Една лична реализација која ја имам периодов. Како е можно тоа сите музичари да креираат музика кога им е тешко? Не е можно! Креираат музика која совршено опишува некоја ситуација, но појма немаат од вистинското чувство на празнина и осаменост! Кои фаци ли се тие што покрај целата мака и тежина на животов создаваат толку тажни акорди и молски навлегуваат во психата на слушателот? Ако го чувствуваат судот на психата, нема да може да мрднат од кревет, а камо ли да создаваат.

Што убав е животот. Само кога не е убав, не е. Не можеш да смениш ништо.

Beep!